Лэйди Гага өвөрмөц хувцаслалтаараа англи фэнүүддээ бэлэг барив

Дуучин Лэйди Гага Английн Твикенхэмд "Born this way" тоглолтоо хийхээр ирээд байхдаа олон янзын өвөрмөц хувцаслалтаараа фэнүүддээ хангалттай сюрприз барьжээ. Тэрээр зөвхөн тайзан дээр ч биш, гадуур явахдаа хүртэл этгээд сонин хувцас өмсч байсан нь түүний алхам бүрийг дагаж байсан фэнүүдийг нь хуйлруулах шиг болжээ. 
 

Лэйди Гага Твикенхэмд хийсэн тоглолтынхоо үеэр өөрийнхөө хит дуунуудаас гадна Жон Ленноны алдарт "Imagine"-ийг дуулж үзэгчдээ баясгасаны зэрэгцээ жилийн өмнө харамсалтайгаар хорвоог орхисон дуучин Эми Вайнхаусын дурсгалыг хүндэтгэжээ. Тэрээр мөн  Уэльсийн гүнж Диана түүний бага насны үлгэр дуурайл болсон эмэгтэй байсан гэдгийг англичуудад ярьжээ.