Стивен Сигаль Монголд ирлээ

Холливудын нэрт жүжигчин Стивен Сигал хэдэн жилийн өмнө монголд ирээд буцахдаа киноны зураг авалтанд нь туслалцаж байсан Б.Эрдэнэтуяа хэмээх бүжигчин бүсгүйг ээлжит амрагаараа сонгон дагуулж явсан билээ. Удалгүй хоёр хосууд хүү төрүүлсэн тухай мэдээ манай хэвлэл мэдээллээр цацагдаж байсныг та бүхэн санаж байгаа байх. Монголын хүргэн болсон Холливудын нэрт жүжигчин дахиад монголд ирэх тухай мэдээ тархсан боловч өөрөө ирэлгүй эхнэр хүүхэд нь эх нутагтаа ирээд буцсан байна.

Харин энэ удаад Дэлхийн алдарт жүжигчин маань өндөр нууцын зэрэглэлтэйгээр эхнэр хүүхдийн хамт монголд амрахаар ирснийг бид анхлан дуулгаж байна. Өмнө нь ирэхдээ их л хөл, шуугиан дэгдээн байж ирсэн бол энэ удаа нууц байдалтай ирж байгаа нь бас нэг учиртай биз ээ. Юутай ч дэлхийн од маань эхнэрийнхээ эх нутагт ирж, харьд олон жил болсон эхнэрийнхээ өрийг түр ч атугай  зөөллөхөөр  шийджээ. Дашрамд дуулгахад Стивен Сигал өөрийгөө Монгол гаралтай хэмээн үздэг бөгөөд Монголчуудад нэлээд элэгтэй ханддаг гэнэ. Ингээд та бүхэндээ Blue Sky  Towar-н урд папарацидсан зургаа дэлгэж байна.