Завханы гавьяат турж, залуужжээ

Завхан нутгаар овоглосон Монгол Улсын Гавьяат жүжигчин С.Батсүх нэгэн жарнаар дүү бяцхан хамтрагчтайгаа хаа очсон газраа баяр цэнгэл, хайр энэрэлийг түгээж явах болсоор удаж. Хаана ямар сайн үйлсийн аян, хандивын тоглолт болно тэнд бяцханаа дагуулж сэтгэлийн өргөлөө өргөж, ая дуугаан барих гавьяат сүүлийн үед эрүү аж төрөхийн дэглэм барьж, жингээ хасах гээд ихэд хичээх болсон гэгддэг. Харин саяхан манай дуранд өртөхдөө тэр санасандаа хүрч чадсан нь харсан хэн бүхний нүдэнд илт.

Тайзнаа өмсөж, олонд дасал болсон энэхүү хар хослолыг нь уншигч та санаж байгаа байх. Өмнө нь энэ хослол бараг л багадаж, голдуу задгай тавих маягаар өмсдөг байсан шүү дээ. Тэгвэл өнөөдөр  хослол нь түүнд томджээ. Хэлхийгээд л...Харин Завханы гавьяат маань цэмбийгээд л...Хөнгөн шингэн гэж жигтэйхэн, бас 10 жилээр залуужаа юу гэлтэй. Дээр нь нэмээд өсгийтэй потинка өмссөн нь уламж жавхаалаг харагдуулах. Тэр чаджээ. Урт насалж, удаан жаргаарай гавьяатаа...