Аягууны алт, мөнгөн эзэд

Хоёр үеийн төлөөлөл гэж хэлж болохуйц Урлагийн гавьяат зүтгэлтэн, хөгжмийн зохиолч, продюссор Б.Долгион, Монголын урлагийн нэрт зүтгэлтэн Ж.Бадраа, найруулагч, дуучин Б.Бадрууган агсныг залгамжлан гурван үеэрээ урлаг, соёлын салбарт хүчин зүтгэж, бүтээлч, шинэлэг орон зайг өртөөлөн, өөрийн зохиосон ая, хөгжмийн хэв маягаараа технологи, шинэ мянганы залуусыг хөтлөн холбож буй урлаг судлаач, хөгжмийн зохиолч, продюсер Б.Наранзун нарын хамт байх торгон агшин манай дуранд өртлөө. Б.Долгион өдгөө 70 насыг хэдийн зооглосон ахмад үеийн төлөөлөл. Рок попынхны алтан үеийн төлөөлөл болсон Б.Долгион дараа үеийнх нь түүчээг үргэлжлүүлж яваа Б.Наранзунтай хөөрөлдөн байх агшин нь энэ. Хэн, хэнийгээ анхааралтай сонсох алт, мөнгөн хоёр гэж хэлж болохуйц аялгууны эзэд  маань энэ цагийн дуучдын дууны амин сүнсийг цогцлоогчид мөнөөс мөн. Энэ хоёрын ур чадвар, авьяас билэгээр олны танил болсон дуучид олон. Эрхэм хоёр ярианаас магадгүй нэгэн шин уран бүтээл төрөх эхлэлээ тавьсныг  ч үгүйсгэх аргагүй.