Хар сарнайн Амараа хамгийн доргио нь байлаа

Өөрийн донжтой хэв маяг,  реп-техно урсгалын дуулалтаараа Монголын роп, попын халуун тогоонд олон жил буцалсан тэр тайзнаа гарах болгондоо үзэгч олноо доргиож чаддаг уран бүтээлч. Түүнд хүмүүсийг татах, сэргээх, байлдан дагуулах нэг тийм өгөгдөл цаанаасаа заяасан мэт. Ер нь ямар ба нэг тоглолтын чимэг болдог гэхэд хилсдэхгүй. Тэрээр саяхан МУГЖ Т.Ариунаагийн “Тэнгэр шиг бай” тоглолтонд тайзнаа гарсан нь манай дуранд ийн буулаа. Энэ үдэш хамгийн доргио нь тэр байсан гэхэд болно. Бүжиглэлт дуулалт, хэв маяг, стиль имидж гээд  ийм нэгэн дүрээрээ түмнийхээ сэтгэлд хэдийн хоногшиж, хүлээн зөвшөөрөгджээ. Тиймээс ч үзэгчид түүнийг тайзнаа гарахыг тэсэн ядан хүлээх аж.