Гайхалтай хайрын гэрч И.Одончимэгийн баярт мөч

Хайр сэтгэлд нас буруугүйг өөрийнхөө амьдралаар гэрчилж буй гайхалтай хайрын эзэд болох МУГЖ И.Одончимэг, жүжигчин Т.Бархүү нар олны хүндэтгэл хүлээсэн сайхан хосууд. Тэд нийлснээсээ хойш арав гаруй жилийг ардаа үдэж байгаа бөгөөд 2012 онд Сүндари гэх хөөрхөн охинтой болсон нь өдгөө аав, ээжээсээ дутуугүй олны танил болж, түмний хайрыг хүргэх болжээ. Тэрээр хэдхэн хоногийн өмнө охин Сүндари болон нөхөр Т.Бархүү нарын гол дүрд нь тоглосон “Хөөрхөн ээжтэй охин” киноны нээлт нь болоход хамгийн баяртай бас огшсон хүн нь И.Одончимэг байлаа. Тэрээр тайзнаа үг хэлэхдээ баярын нулимс эгээтэй л унагасангүй, хоолой нь зангирч байсан юм. Урлагийн сайхан гэр бүлдээ аж жаргалын дээдийг хүсэн ерөөе.