Маск-ын дөрөв дэх чулуу

Монголын хошин урлагт өөрийн өвөрмөц дүр төрх, авьяас чадвараараа гялалзаж яваа нэгэн бол жүжигчин Д.Дэлгэрсайхан. Анх түүнийг жүжигчин болоход намхан, царай муутай, үрчгэр нүүртэй хүн жүжигчин болж чадахгүй хэмээн нэг биш хүн хэлж байсан гэдэг. Харин Д.Дэлгэрсайхан санасандаа хүрч өдгөө түмний хайртай жүжигчдийн нэг болжээ. Маск продакшныг анх байгуулагдсан цагаас нь хойш өрхийг таталцсан хүмүүсийн нэг Дэлгэрсайхан яалт ч үгүй мөн. Баярмагнай, МС, Заанаа гурвыг “Маск”-ын тулгын гурван чулуу гэж ярьдаг. Тэгвэл Дээгийгийн хувьд бол дөрөв дэхь чулуу нь. Маск продакшн түүнгүйгээр нэг дутуу санагдах нь мэдээж...