МУГЖ И.Одончимэг бие давхар болсон нь үнэн үү...

Монголын тайз, дэлгэцийн сайхан эмэгтэйчүүдийн нэг МУГЖ И.Одончимэг. Өөрийн авьяас чадвараа олон улсад хүртэл өндөрөөр үнэлүүлсэн тэр “Солиот эх” МУСК-оосоо хойш нам гүмхэн байгаа. Хэсэг хугацаанд олны өмнө харагдаагүй Одноо нэлээд хэд хоногийн өмнө манай папараццид өртөхдөө хөл хүнд гэмээр төрхтэй бууснаас хойш түүнийг жирэмсэн болсон гэх шуум газар авах болжээ. Үүнийг овжин ашигласан зарим нэг хүмүүс явуургүй үйлдэл гаргаж өнгөрсөн амралтын өдрүүдээр түүний нөхөр Т.Бархүүгийн өмнөөс хуурамч аккаунт нээж, өмнөөс нь мэдээлэл тархааж багагүй хандалт авлаа. Энэ тухай Т.Бархүү өөрийн албан ёсны хуудаснаасаа мэдэгдэл гаргасан ч тэрхүү мэдээлэл нь газар авсаар байна. Харин МУГЖ И.Одончимэг үнэхээр бие давхар болсон уу, үгүй юу гэдэг талаар Т.Бархүү ямар нэгэн тайлбар хийгээгүй байгаа. Тэгвэл саяхны нэгэн өдөр МУГЖ И.Одончимэг манай папараццид өртлөө. Дараах зурагуудаас гярхай уншигчид маань ямар нэг дүгнэлтэд хүрэх биз ээ.