МУАЖ Г.Мягмарнаран гуайн МУНДАГ ач хүү

“UB comedy”-г үүсгэн байгуулагч, Станд-апп комеди хэмээх хошин урлагийн төрлийг Монголд амжилттай хөгжүүлж буй Б.Батбилэг өдгөө багагүй фэнүүдтэй болжээ. Хэтэрхий доошоо буюу +18 тал руу ярьдаг байсан тэр Идэрээ, Амаржин найз нараасаа суралцан ярих хэлбэрээ бага зэрэг өөрчилж, томоожих болсныг үзэгчид анзаарсан биз ээ. Клубынхаа зарим гишүүдтэй санхүүгийн маргааны улмаас гэрээгээ цуцалж цөөхүүлээ үдсэн тэд зүгээр суусангүй. Гадаадад суугаа Монголчуудыг хөгжилтэй яриагаараа амжилттай хөгжөөж бас ч гэж хэтэвчээ нэлээд зузаалаад ирсэн сурагтай. Б.Батбилэгийг уншигчдийн олонх нь МУАЖ Г.Мягмарнаран гуайн ач хүү гэдгийг мэдэхгүй биз ээ. Урлаг амьтай өвөөгийнхөө авьяасыг арай өөр төрөлд үргэлжлүүлэн яваа мундаг ач хүүгээрээ Г.Мягмарнаран гуай ихэд бахархдаг гэсэн шүү.