Д.Хадбаатар аваргын хүү заргалдаж яваа сурагтай

Арт түмний хайртай аваргуудын Д.Хадбаатар агсан долоон хүүхэдтэй гэх яриа бий. Тэдний нэг нь П.Даваажав юм. Ааваараа овоглоогүй өдийг хүрсэн тэр гадна төрх Д.Хадбаатар аваргатай тун адилхан нэгэн. Тэрээр урлаг амьтай бас жүжиглэх авьяастай  бөгөөд аавынхаа тухай кинонд аварга Д.Хадбаатарын дүрд тоглосон гэдэг юм бидээ. Мөн аавынхаа нэрэмжит сан байгуулж нийгэмд сайн, сайхан үйл хийж аль болох түмний хүү байсан аавынхаа нэрийг өндөрт өргөж явахыг хичээдэг гэх. Харин тэр чухам юунаас болсныг мэдэхгүй, ямартай ч Баянзүрх дүүргийн цагдаагийн хэлтэсээр үзэгдэх болсон сурагтай. Тэрээр “адгийн зарга арав хоног” хэмээн халаглаж явахтай нь  нэг бус хүн таарснаа ярьж байна. Одоо тэрхүү зарга нь дууссан эсэхийг хэлж үл мэдэх ч домогт аваргын хүү саяхны нэг өдөр томоохон үйл ажиллагаанд хүрэлцэн ирсэн нь манай дуранд ийн өртлөө.