Монголын кино урлагийн “зэвүүн” нэгэн төрх

“Зэвүүн” гэх тодотгол сайн, муу хоёр тодотголоор аман ярианд хэрэглэгддэгийг уншигчид мэдэх биз ээ. Харин жүжигчин Г.Эрдэнэбилэг дээр сайн талаар тодотгож байгааг эхлээд дурьдах нь зөв биз ээ. Монголын тайз дэлгэцийн урлагийн өнгө төрх нь болж яваа Улсын драмын эрдмийн театрын гурван жүжигчин бий. С. Болд-Эрдэнэ, Г.Эрдэнэбилэг, Ц.Цэрэнболд энэ гурав Монголын кино урлагийн яалт ч үгүй эрэлттэй дүрүүд. Мөн гурвуулаа  төрийн дээд одон медаль Хөдөлмөрийн гавьяаны улаан тугийн одонгоор энгэрээ мялаасан байдаг. Энэ дундаа Г.Эрдэнэбилэгийн дүр төрх тоглосон киногоо ихэд чимж өгдөг. Тэр бас муугүй сайн найруулагч. “Чи энэ хорвоод ээж болох гэж төрсөн юм шүү. Алуурчин биш” хэмээн  хатуухан хирнээ үнэн үгийг “ААВ” киногоор тэр олонд охидод ухаарал хайрласан. Түүний хамгийн сүүлийн бүтээл бол “Хийморь” хэмээх үзэгчдийг байлдан дагуулсан бүтээл юм. Саяхан тэр манай дуранд өртөхдөө гэзэг ургуулжээ. Түүний дараагийн нэгэн зэвүүн дүр удахгүй дэлгэцнээ амилах гэж байгаа биз ээ.