Тэмка оворжих гээд хичээгээд байх шиг...

Х-Түц пропакшанд хамаг медалиа зүүж, ажил горилон очиж байсан жүжигчин Тэмка тэндээс л амьдралаа босгож, заяаны ханьтайгаа хүртэл учраад амжсан азтай залуу. Одоо хуучны хошин урлагийн жүжиг үзэж суухад Тэмка ард бүжиглэхээс эхлээд туслахын үүргийг нэлээд хугацаанд хийсэн нь анзаарагддаг. Тэр нь ч өнөөдрийн энэ амжилтад хүрэхэд  түлхэц болсон биз. Үеийн залуусаа бодвол оворгүй харагдах тэр сүүлийн үед овор сууж, намбажуу харагдах хичээгээд байгаа бололтой. Тэрээр сахал, үсээ ургуулж, хувцаслалтаа хүртэл нас явж, намба суусан хүний адил хуваслах болжээ. Хэдэн насаар эгчмэд эхнэртэйгээ эн чацуу харагдах эсвэл ямар нэг уран бүтээлийн дүрд бэлдэж байгаа байж ч болох юм.