“Баавар” өвөө номын өвөө болжээ

Өөрсдийгөө ардчилалын алтан хараацай нар хэмээн өргөмжилсөн хүмүүсийн нэгээр нийтлэлч Баабар нэрлэгддэг. Гэхдээ тэр бусдыгаа бодвол нэр арай цэвэр нэгэн. Өөрөөр хэлбэл шуналаа барьж чадсан гэхэд болно. Түүнд нөгөө хэд болох Ц.Элбэгдорж тэргүүтэй нөхдөө дагаад улс төр, албан тушаалд хүрэх боломж байсан байж таарна. Гэвч тэр тэгээгүй. Үзэг цаас барихыг илүүд үзсэн нэгэн. Бичсэн нийтлэлүүдээр харин ч нэг нэрд гарч, Монголын нэртэй нийтлэлчдийг нэгэн дор цуглуулж чадсан. Өнөөдөр түүнтэй мөр зэрэгцэж, хурганы арьс нөмрөн зогсож байсан нөхдүүдийн нэр навс унаж, ард түмний ад нь болж байна. Харин энэ үед Баабар чимээгүй л байсаар... Тэр одоо улс төрд хошуу дүрэхээс болгоомжилж, хэн нэгнийг өмөөрч бичихээс сэрэмжилж байгаа биз. Тэрээр саяхан номын дэлгүүрээр орох агшин нь манай дуранд буулаа. Нилээд хэдэн ном худалдан аваад гарна лээ. Хэсэг хугацаанд улс төрөөд болоод сэтгүүл зүйн салбарт “Баавар” байсан Баабар гуай  одоо дуртай ажлаа хийж, ажин түжин байх амьдралыг эрхэмлэх болсон бололтой.