Кино урлагийн нууцлаг бас царайлаг нэгэн төрх

Аавынхаа мэргэжлийг өвлөж, Монголын кино урлагт аавтайгаа хамт зүтгэж яваа жүжигчин Б.Анхбаярыг үзэгчид “Хайрлахсан даа”, “Чи итгэхгүй л дээ” “Ээжээ надтай гэрлээч”  киногоор нь андахгүй мэдэх байх. Ер нь Б.Анхбаяр маш нууцлаг амьдралтай нэгэн. Хэвлэл мэдээллээр нэг их гараад байдаггүй. Төдий чинээгээр түүний хувийн амьдралынх нь талаар мэдээлэл бараг байдаггүй. Тэрээр эхнэр, нэг хүүхэдтэй бөгөөд гэр бүлийн хамт манай папараццид ганц удаа өртөж байсан удаатай. Аливаа арга хэмжээнд хүртэл ирэх нь ховор. Тоотой хэдэн удаа ирэхдээ ганцаараа л явах. Саяхны өдөр болсон нээлтийн арга хэмжээнд ирсэн нь манай зурагчны дуранд ийн өртлөө.