Эрхэм аваргын төмөр хүлэг "PRIUS"

Сэлэнгэ нутгийн анхны аварга Г.Эрхэмбаяр  Ардын хувьсгалын 92 жилийн ойн баяр наадмын  үзүүр түрүүнд залуу начин Б.Гончигдамбыг өвдөг шороодуулж, Монгол улсын 21 дэх аварга цолыг хүртсэн. Бөхчүүд дундаас хамгийн ёс, жудагтай гэгдэх Г.Эрхэмбаяр аваргаас үлгэр жишээ авах залуу бөхчүүд олон бий. Сүүлийн жилүүдэд бөхөд дуртай Монгол түмэн үндэсний их баяр наадмаар түрүүлсэн бөхчүүдийг ихэд хүндэтгэдэг. Нутгийн зөвлөл, бизнесмэнүүд ч амжилт гаргасан бөхчүүддээ хөрөнгө мөнгө гамгүй хаядаг. Тиймдээ ч амжилттай яваа бөхчүүд үнэтэй байр авах, ганган жийп хөлөглөцгөөх нь элбэг. Тэгвэл Г.Эрхэмбаяр аварга жийпнээс татгалзаж өдөр тутамдаа Монголчуудын хэрэглээ болсон  “Prius” авто машин хөлөглөдөг ажээ. Тэрээр саяхан уг төмөр хүлэгтэйгээ ажлаа амжуулан явах үеэрээ манай дуранд ийн өртлөө.