Дуучин Ука гавьяат Г.Золбоотод наалинхайтав

Монголын дуучдаас хамгийн карьер өндөртэй яваа дуучид бол эрэгтэйгээс Д.Болд, эмэгтэйгээс “Киви” Ука нар. Амжилт уйгагүй хөдөлмөр хичээл зүтгэлээр ирдэг гэдгийг өөрийн үлгэр жишээгээр харуулж яваа Ука муугаас илүү сайнаар хэлүүлдэг болсон гэхэд хилсдэхгүй. Өөрийн талаар ямар нэг буруу ойлголт, сөрөг мэдээлэл гарахтай зэрэг залруулаг лайв хийж  уучлал гуйх, учир байдлаа тайлбарлаж хэлэх түүнд фэнүүд нь дуртай байдаг. Мөн түүний нэгэн содон үйлдэл нь хувцаслалт. Заримдаа этгээд гэмээр хувцаслан явах тэр өөрийгөө наалинхай зангаар чимдэг. Түүнд нь эрчүүд дуртай байдаг юм шиг. Саяхан нэгэн нээлтийн үйл ажиллагааны үеэр МУГЖ Г.Золбооттой ихэд дотночлон уулзаж тэвэрч аван хацараа өгөн үнсүүлэх ажээ. Уг нь бол хүндэлж явдаг ахмад хүндээ ингэх нь ч зөв л дөө. Гэхдээ л Укагийн хувьд арай өөр харагдах аж.