“Voice”-ын ялагч Ц.Энгүүн гуалиг болжээ

"The Voice of Mongolia" шоуны ялагч Ц.Энгүүн уг шоуны үеэр махлагдуу охин тайзнаа дуулж байсныг та бүхэн санаж байгаа биз ээ. Харин шоуны ялагч болж, олны танил болсноосоо хойш тэр гадаа үзэмжиндээ ихэд анхаарах болсон юм. Илүүдэл жинтэйгээ тэмцэж эхэлсэн Ц.Энгүүн ойрд олны өмнө харагдаагүй байсан бол саяхан болсон “Халуун зүрх” кино нээлтийн үеэр хүрэлцэн ирсэн нь манай дуранд өртлөө. Тэрээр жингээ нэлээд хасж, гуалиг болжээ. Дашрамд дуулгахад тэр Япон улсад жил бүр уламжлал болгон зохион байгуулагддаг Саппорогийн цасны баяр дээр ая дуугаа өргөөд ирсэн гэнэ. Уг цасны баяр нь дэлхийн томоохон өвлийн наадмын тоонд зүй ёсоор ордог бөгөөд жил бүр нийт 2.5 сая хүн үзэхээр хүрэлцэн ирдэг аж.