Хэнз охиноороо чимсэн төрийн түшээ

60 насны босгыг алхах гэж буй УИХ-ын ахмад гишүүдийн нэг Я.Санжмятав сүүлийн үед хаана ямар арга хэмжээ, нээлтийн үйл ажиллагаа болно, тэнд л явах болжээ. Элдэв хэл аманд нэг их орооцолдоод байдаггүй тулхатай түшээ гэгдэх энэ хүн Эрдэнэт үйлдвэрийн эгэл ажилчинаас ажил, амьдралын гараагаа эхэлж өнөөдрийн өндөрлөгт хүрсэн эр. Тэрээр саяхны нэгэн өдөр болсон нээлтийн үйл ажиллагаанд эхнэр хүүхэдтэйгээ хүрэлцэн иржээ. Түүний эхнэр өөрөөс нэлээд дүү бололтой залуухан бүсгүй аж. Охин нь бага насны охин байх. Тэгэхлээр эрхэм гишүүн маань нэлээд нас дээр гарсан хойноо үрийн зулай  үнэрлэсэн бололтой. Ийн энэ удаад эхнэр хүүдээрээ чимэг хийн арга хэмжээнд оролцсон төрийн түшээ маань ер нь энэ мэт олон ч арга хэмжээнд хүрэлцэн ирсэн харагддаг. Чуулган хэсэг завсарлаж цаг завтай байсан Я.Санжмятавын завтай өдрүүд ч одоо өндөрлөсөн биз.