ХУРДНЫ МОРИНД НУГАСГҮЙ ТӨРИЙН ХАР

Булганаас алдар, амжилтаараа тэргүүлж яваа хүмүүсийн нэг бол Ц.Цэнгэл гэх энэ эрхэм мөнөөс мөн. УИХ гишүүнээс эхлээд сайдын суудалд олон жил тухалсан эр. Түүнийг энэ хугацаанд сайнтай, муутай аль альнаар нь нэрлэдэг. Зарим нь Ц.Цэнгэлээс суралцах юм их бий гэж байхад нөгөө нь сайд хийж байхдаа шуудайны амыг доош харуулж сэгсэрсэн хэмээн ярилцдаг. Өдгөө тэр БОАЖЯ-ны төрийн нарийн бичгийн дарга хийж байна. Түүний яахаас ч буцдаггүй нэгэн хобби нь хурдан морь. Тэрээр төрийн наадамд айраг, түрүүтэй бөгөөд МУ-ын Манлай уяач гэх алдар хэргэмтэй. Мөн 2018 онд АНУ-ын West Virgina мужийн Charles town морин тойруулгын хаврын уралдаан “Smarty Please” нэртэй адуугаа түрүүлгэж байсан юм билээ. Ийн хурдан морины буянг элэдж яваа төрийн хар хүмүүсийн нэг Ц.Цэнгэл саяхан манай папараццид өртлөө. Тэрээр нэгэн хүндэтгэлийн нэгэн арга хэмжээнд хүндэт зочноор хүрэлцэн ирж байгаа нь энэ.