Эерэг дүрд ээлтэй Г.Золбоот ээлжит түүхэн дүрээ хүлээж байна уу...

МУГЖ Г.Золбоотын бүтээсэн дүрүүд бүгд эерэг талын дүр байдгийг та бүхэн андахгүй биз. Түүний тоглосон ганц сөрөг дүр нь буриад түмний их хэмэгдэлтийг харуулсан “Мойлхон” МУСК-ны нутгийн түмнээ хэлмэгдүүлж буй ногоон малгайтын дүр. Түүнээс бусад  “Долоон бурхан харвадаггүй”, “Аравт”, “Үхэж үл болно Чингис хаан” гэх мэт түүхэн кинонд эерэг талын баатрын дүрүүдэд дүрээ мөнхөлсөн тэр саяхан манай папараццид ээлжит нэгэн дүрдээ бэлдэж байна уу  гэлтэй өртлөө. Учир нь тэр ямар нэг киноны дүрд тоглохоор бэлдэхдээ сахал, үсээ ургуулж эхэлдэг. Энэ удаад тэр сахалаа түүхэн баатрын адил ургуулжээ. Тэгэхлээр хал үзэж, хат суусан нэгэн түүхэн  дүрийг амилуулах нь бололтой. Түүнээс бусдаар Г.Золбоот сахалаар гангадаггүй нэгэн.