Аглуу, Бооёогийн ижилсэл

Монголын хошин урлагийн гол төлөөллүүдийн нэг болох Аглуу, Бооёо нар өдгөө ард түмний хүндлэл хүлээж, хийсэн бүтээснээ төр засагтаа өндөрөөр үнэлүүлэн МУГЖ хэмээх эрхэм алдараар энгэрээ мялаасан уран бүтээлчид. Нэгэн гараанаас зэрэг гарч тайз, дэлгэцийн олон дүр бүтээсэн хоёр гавьяат нийлж “Найзууд” хэмээх уран бүтээлээр хэсэг хугацаанд хамтарч ажилласан. Амьдрал дээрээ ч оюутан, ахуй цагаасаа нөхөрлөсөн сайн найзууд юм билээ. Сар шиний баярын өмнөхөн битүүний өдөр хоёр гавьяат хэлэлцсэн юм шиг нэгэн жигтэй давхацал болж, олныг хөгжөөлөө. Тухайлбал жүжигчин С.Өлзийхүүгийн гавьяатын цол, тэмдэгээ гардан авах үеэр төв талбайд ирэхдээ ижилхэн цагаан куртик, хар шил, хар өмд өмсжээ. Энэ жил улаан куртик форм мэт болсон. Харин Аглуу, Бооёо нарын хувьд цагаан куртик трэнд болжээ. Дашрамд дуулгахад Аглуугийн эхнэр мөн адил цагаан куртикээр ижилссэн байсан юм.