“Маск”-ын үнсгэлжин хог түүж явна

Монголын хошин урлагын хамгийн царайлаг бүсгүйчүүдийн нэг бол яах аргагүй А.Гэрэлцэцэг. Авъяас чадвар,  царай төрхөөрөө олонд танигдсан бүсгүйг “Маск” пропакшны ганц үнсгэлжин ч хэмээдэг. Саяхан “Соёлын довтолгоо” уран сайхны киноныхоо нээлт хийсэн тус хамтлагийн жүжигчид Монголын энэ цагт ч гэсэн соёлын довтолгоо хийх хэрэгтэй хэмээн дор бүрнээ ярьцгааж байсан. Тиймээс ч тэд өөрсдөөрөө үлгэр дууриалал үзүүлж, нийгэмдээ эерэг нөлөө үзүүлэхийг хичээж байгаа юм билээ. Сар шинийн баярын өмнө Ерөнхийлөгчийн зарлигаар төрийн одон медаль хүртсэн иргэдийн ойр, дотнын хүмүүс нь талбай дээр нь цуглан баяр хүргэцгээсэн юм. Тэдний нэг нь жүжигчин А.Гэрэлцэцэг байлаа. Тэрээр хүмүүсийн тарьсан хог, цаасыг  тухай бүрд нь түүж, цэвэрлэж буй нь манай дуранд өртсөн нь энэ. Түүнээс үлгэр жишээ аваарай...Өөрөө, өөрсдийнхөө сэтгэлгээрүү соёлоор довтолцгооё залуусаа!