Заанаа гавьяат маань ч уяхан болж дээ...

“Маск” продакшны анхны гавьяат П.Эрдэнэзаан өнгөрсөн жилийн наадмын үеэр МУГЖ хэмээх эрхэм цол тэмдэгээ гардан авч үзэгч олноо баярлуулж байсан билээ. Ер нь түүнийг ажаад байхад хамтлагийнханаасаа хамгийн уян, зөөлөн сэтгэлтэй нь гэмээр байдаг. Нэгэн баярын үйл ажиллагааны үеэр охид нь тайзнаа гараад дуулахад нулимс унагаж байсан тэр дараа нь мөн нэгэн нэвтрүүлгийн үеэр охидынхоо тухай ярьж дэлгэцээр ярихыг нь сонсоод хоолой нь зангич байсан удаатай. Олны нүдэнд л энэ мэт болохоос бус цаагуураа мөн ч олон нулимс унагасан нь тодорхой биз ээ. Хэд хоногийн өмнө болсон “Соёлын довтолгоо”  кино нээлтийнхээ үеэр мөн л баярын нулимс унагаж буй нь бидний дурангаас зөрсөнгүй. Үзэгч фэнүүд нь олноор цугларч, баярт мөчиийг нь хамтдаа хуваалцсанд сэтгэл нь ихэд хөдөлсөн бололтой. Мөн МУАЖ Д.Ухнаа гуайтай гар барихдаа ч нэг хайрласан, энэрсэн содон төрх илт илрэх ажээ.