“Шир”-үүдээсээ ичсэн С.Жавхлан гишүүн энд явна

УИХ-н сандал суудлын төлөө өдөр, шана дараалан хуралдсан хуралдаанд С.Жавхлан эгдүүцэн “Нийгэмд тулгамдаад буй энэ айхтар асуудлуудаас илүү давсан үнэ цэнтэй зүйл нь бол та нарын сандал суудал болчихож. 

Яасан ховхорч болдоггүй, яасан хайртай дуртай юм бэ. Утааны голомт дотор Монгол нэг өдөр сайхан болно доо гээд хамар нь хорсож буй мэргэн цэцэн ухаантай олон сайхан хүн байгаа шүү. Та бүхэн энд нэгнээ түлхэж унагах биш зүгээр бүгд зайлцгаа. Тэр хүмүүст боломж олго. 

Та нарт хууртагдаад явж буй тэр олон үндэсний үйлдвэрлэгчид, утаан дотор ам уушги нь хорсоод гаслаад сууж буй гэгээн сэтгэлтэй залуус, хосуудад суудлаа тавьж өг. Ёстой нэг муухай юм болж байна. Монголдоо хэрэгтэй асуудлыг үүр цайтал хэлэлцдэг байгаач. Үнэхээр өрөвдмөөр байна. Би аймаар ичиж байна ширнүүдээ" хэмээн нүүрэн дээр нь улалзтал хэлж байсан С.Жавхлан төрийн ордноос гадуур тэртээ 1960-аад оны түүхийг эргэн сөхөж, олон түмнээ харуулсан кино нээлтийн үеэр манай папараццид өртсөн юм. Ард түмнээсээ ичдэггүй эрх мэдэл, албан туүаалын төлөө алалцахаас холгүй байгаа төрийн суудалд суусан “шир”-үүдээс ичсэн С.Жавхлан тэднээс түр ч атугай холдож, урлаг соёл сонирхож толгойгоо амраахаар шийдэн ийн яваа бололтой.