Жил, жилийн байнгын хүндэт зочин П.Очирбат

Монгол улсын анхны ерөнхийлөгч П.Очирбат өнөөдөр хүрэл хар, цагаанаар хэлүүлж яваа эрхэм. Худал үнэн нь үл мэдэгдэх ч хар бараан мэдээллүүдтэй нэр холбогдох нь олонтаа. Зарим нэг нь түүний хамрыг онцолж ярих нь ч энүүхэнд. Тэрээр өнгөрсөн оны 10-р сард өөрийн “Тэнгэрийн цаг” дурдатгал номоо  Монгол Нийгэмлэг ТББ-аар эрхлэн гаргуулж байсан удаатай.  Энэхүү ном нь П. Очирбатын хөдөө орон нутгийн амьдралаас улс төрийн дээд албан тушаалд хэрхэн очсон талаар, ардчилалын цогц асуудлын талаар, социализмын өв уламжлал, иргэншил, ёсзүй, болон засгийн газрын иргэдийнхээ өмнө хүлээдэг хариуцлагын талаар өгүүлдэг юм билээ. Энэ номоо гаргах болсон учир нь өөрийг нь тойрсон хэл амнаас болсон ч байж болох юм. Тиймээс өөрийгөө олон нийтэд зөв өнцгөөс харуулах гэсэн оролдлого байж болох талтай. Ер нь П.Очирбат МЗХ-той ойрхон ажилладаг гэх. Тиймээс ч тэр МЗХ-ны дарга Мөнхбат тэргүүтэй хүмүүс жил бүр зохион байгуулах залуучуудын шилдэгийг шалгаруулах “Next Stop” наадамд жил бүр хүндэт зочноор уригдан ирдэг уламжлалтай. Тэрхүү уламжлалт ёсоороо 2018 оны шилдэгийг шалгаруулах арга хэмжээнд хүрэлцэн ирэх үеэрээ манай папараццид өртсөн нь энэ.