Аглуу гавьяат эхнэртэйгээ талбайд гаржээ

Хэн, хэн нь хоёр дахь сонголтоо хийж хамтдаа аз жаргалтай амьдарч буй МУГЖ Л.Баттулга буюу Аглуу түүний эхнэр Н.Оюунчимэг нар саяханы нэг өдөр Сүхбаатрын талбай дээрээс манай дуранд өртсөн юм. Ер нь улс төрийн шударга бус явдал, УИХ-ын дарга М.Энхболдыг огцруулах асуудалд олны танил эрхэмүүдээс хэд, хэдэн хүн дуу хоолойгоо нэгтгээд байгаа юм. Тэдий эгнээнд Аглуу эхнэртэйгээ нэгджээ. Тэрээр тэр өдрийн хүйтнийг ажралгүй эхнэртэйгээ хос малгай, нэхийгээр ижилсэн иржээ. Манай урлагийнхан олны танил нүүрээ ашиглаж хэн нэгэн эрх мэдэлтний түрийвчээр дуугарч, үг хэлэх нь олонтаа. Тухайлбал 2017 оны ерөнхийлөгчийн сонгуулийн үеэр М.Энхболдын сонгуулийн рекламанд мөн ч олон дуучин, жүжигчид тоглож, хайр зарлаж явсан цаг саяхан. Тэгвэл тэднээс түүний төлөө үг хэлэх хүн өнөөдөр нэгээхэн ч хүн алга. Харин өөрийн гэсэн үзэл бодолтой, мөнгөөр түүнийгээ худалддаггүй энэ мэт урлагийнхан олон байвал нийгмийн  эрүүл тогтолцооны нэг хэсэг бүрдэх юм даа.