Монгол улсын гавьяат тамирчин Г.Угалзцэцэгийн баярын нулимс

Монголын Бодибилдинг фитнессийн холбооны тамирчин, Дэлхийн дөрвөн удаагийн аварга Г.Угалзцэцэгт  Монгол Улсын Ерөнхийлөгч Х.Баттулга өнөөдөр "Монгол Улсын Гавьяат Тамирчин" цол тэмдэгийг нь гардуулан өглөө.

Түүнийг дөрөв дэх удаагаа дэлхийн аваргын тэмцээнээс алтан медаль хүртээд ирэхэд гавьяат тамирчин авах эрхтэй хүн хэмээн омогшиж байсан хүмүүс болон хөлс хүчээ шавхан энэ өндөрлөгт хүрсэн түүний хувьд өнөөдөр мартагдашгүй өдөр болж өнгөрч буй нь энэ ажээ. Олон аавын хүү, ээжийн охины үлгэр дуурайлал болсон гавьяат тамирчиндаа амжилт бүтээлийн дээдийг ерөөе.