Бөхчүүд ээ гэж хээгүй, хэнэггүй ч хүмүүс шүү!!

Эртнээсээ уулыг авч өргөмөөр тэнхээтэй ч хүүхэд шиг гэнэн цайлган сэтгэлтэй, хээгүйхэн зан чанараараа Монгол эр хүний гүндүүгүй занг топотгож ирсэн эрчүүд бол бөхчүүд. Олон хүн сайнтай муутай, уулын мод урттай богинотой гэдэгчлэн тэдэнд муу хүмүүс байх ч дийлэнх нь Монгол эрчүүдийн хээгүйхэн зан тодотгосоор ирсэн. Энэ цагийн бөхчүүд ч гэсэн зарим нэгийг нь эс тооцвол даруу төлөв зантай, дэндүү хэнэггүй гэмээр хүмүүс олон бий. Хэдэн жилийн өмнө Эрхэмбаяр аваргад унаад жудаггүй зан гаргасныг эс тооцвол МУ-ын заан Б.Соронзонболд уг нь гүндүүгүй эр. Тэрээр саяхан нэгэн арга хэмжээнд хүрэлцэн ирэхдээ хослол өмсөн иржээ. Гэхдээ хэнэггүй хүний зан уу гэлтэй пиджакаа хагас дутуу товчлохын зэрэгцээ дээрхэн үеийн “хулигаан” гэх тодотголтой дугуй малгай духдуулан тавьжээ.