Хөгжим мэт хоолойт Ц.Энгүүн жиндээ анхаарч эхэлжээ

The Voice шоуны ялагч Ц.Энгүүнийг хөгжим шигээ уянгалаг хоолойтой хэмээн үзэгчид ихэд өндөрөөр үнэлээд байгаа билээ. Тус шоунаас төрсөн залуухан од бүсгүй маань олны анхаарлын төвд зүй ёсоор орж, баргийн дуучдаас илүү олон сонсогч, фэнүүдтэй болоод байгаа юм. Олонд танигдаад ирэхээр эрхгүй гадаад төрх, харагдах байдалдаа анхаарч эхэлдэг нь хэн бүхний л дадал гэлтэй. Ц.Энгүүн ч мөн адил тэрхүү замд шуударч юун түрүүнд өөрийн жинд анхаарал хандуулж эхэлсэн бололтой. Саяхан болсон нэгэн арга хэмжээний үеэр манай дуранд дараах байдалтай өртсөн юм. Шоунд оролцож байх үетэй нь өнөөдрийн энэхүү байдлыг харьцуулж үзвэл жингээ нэлээд хаясан харагдана. Цаашдаа ч улам бүр өөрчлөгдөж, гоо сайхандаа анхаарах нь мэдээж байх. Харин уран бүтээл туурвиж, эх орныхоо нэрийг гаргасан олон уран бүтээлээр дэлхийд танигдах алхамаа бүү л орхигдуулайсай билээ. Хичээж чадвал түүнд ирээдүй бий дээ уг нь.