МУГЖ Урнаа дуулахыг хүссэн л байх даа

Монгол Улсын гавьяат жүжигчин, Улсын драмын эрдмийн театрын жүжигчин Г.Урнааг урлагт хайртай ард түмэн болон урлагийнхан нь «жижиг Урнаа» хэмээн өхөөрддөг. Олон жилийн турш урлагт үнэнчээр зүтгэж, эцэг, эхээс заяасан нэрнийхээ өмнө жүжигчин, гавьяат, театрын гэх мэтчилэн олон чимэг зүүх болсон тэрбээр бас дуунд дуртай нэгэн. Өөрийнхөө  тоглосон “Чи минийх” жүжгийн дууг дуулж олны хүртээл болгосон. Энэхүү дууг нь зарим нэгэн сайшааж түүнийг дуулах авьяастай гэж байхад эсэргээр бас муулах хэсэг байх. Юутай ч жүжиглэхээс гадна дуунд дуртай Урнаа саяхан болж өнгөрсөн рок поп оддын хуралдайд очиж суудал дээрээ өндөлзөж, сэтгэл нь ихэд хөөрсөн харагдана лээ. Болж өгвөл нөгөөх жүжгийн дуугаа дуулж хуран цугласан олныг уяруулахыг битүүхэндээ хүсж  байсан бололтой.