НИЙТИЙН ТЭЭВРИЙН АВТОБУСЫГ 16-НЫ ӨДӨР ХҮРТЭЛ ТУСГАЙ МАРШРУТААР ЯВУУЛНА

Гуравдугаар сарын 2-ны өдөр Москва-Улаанбаатар чиглэлийн нислэгээр ирсэн Франц улсын иргэний эхний шатны шинжилгээний хариугаар коронавирусийн шинж тэмдэг илэрсэн тухай ЭМ-ийн сайд Д.Сарангэрэл мэдээлсэн.

Тухайн иргэн Монголд ирснийхээ дараа эхлээд Улаанбаатарт 40 гаруй хүнтэй, хөдөө орон нутагт 80-гаруй хүнтэй уулзжээ. Гуравдугаар сарын 2-нд ирээд 7-нд халуурах шинж тэмдэг илэрч тусгаарлагдсан байна.

Эрүүл мэндийн яамны сайд Д.Сарангэрэл: "Тухайн франц улсын иргэнд, та халдвартай улсаас ирсэн учраас өөрийгөө 14 хоног тусгаарлаарай гэж хэлээд байхад гадуур явж олон хүнтэй уулзсан нь харамсалтай. Шөнийн 02:00 цагаас эхлэн бид хууль хүчний байгууллагуудтай хамтран нэгдүгээр хавьтлын иргэдийг ХӨСҮТ-д тусгаарлаж шинжилгээ аваад эхэлсэн" гэх мэдээллийг өглөө. 

Урьдчилсан байдлаар 1-р хавьтлын 500 хүн, 2-р хавьтлын 25.000 хүнийг тогтоогоод байна Коронавирус илэрсэн Франц улсын иргэнтэй уулзсан хүмүүсийг ХӨСҮТ-д тусгаарлаж шинжилгээ аваад эхэлсэн байна.