Н.Сувд гуай Монголжуу болсон гадаад бэртэйгээ…

Аав, ээжийн хамт Монгол Улсын Төрийн Соёрхолт хүртсэн хүн  одоогоор Монголд  МУАЖ Н.Сувд гуайгаас өөр хүн үгүй. Эцэг эхийн  өндөр нэрийг өргөж, тайз, дэлгэцийн хатан хаан хэмээгдэх төрийн соёрхолт, МУАЖ Н.Сувд гуай Т.Бат-Оргил,Т.Мөнх-Оргил хэмээх хоёр сайхан хүүтэй. Бага хүү Т.Мөнх-Оргил нь ээжийгээ Америк бэртэй болгож тун ч их баярлуулсан нь өдгөөгөөс нэлээд хэдэн жилийн өмнөх  явдал.

Монголд олон жил болсон гадаад бэр нь харьжсан Монголчуудаас илүү монголжуу болсон хэмээгддэг шүү. Монгол орныг хоёр дахь эх орноо хэмээн ихэд элэгтэй байдаг аж. Тиймээс ч аль болох үндэсний дээл хувцасаар гангарах дуртай юм билээ.

Н.Сувд гуай ч түүний энэ чанарыг үнэлдэг бөгөөд аль болох гадуур дотуур дагуулж явахыг хичээдэг аж. Ийн холын бэрээ Монголжуу болгосон Н.Сувд гуай бэрийн хамт манай дуранд дараах байдалтай өртөж байв. Орчин үеийн загварыг уламжлалт дээлний загвартай хослуулан өдөр тутмын гангараа болгон, өмсөж яваа нь энэ.