Т.Бархүү сөгдөж байж хамтарав

Барагдашгүй авьяастай хэмээн олон нийтэд үнэдэгддэг жүжигчин Т.Бархүү энэ цагийн гялалзсан залуучуудын нэгээр яалт ч үгүй нэрлэгдэнэ. Царай, бие хаа, авьяас гээд түүнээс өөлөх зүйл үнэндээ л байхгүй. Хувийн амьдралдаа ч тэр эр хүний ноён нуруугаа алдаагүй, хайрласан хайрдаа үнэнч, гэр бүлдээ хайртай залуу. Мөн тэр хошин урлаг бүү хэл бүх жүжигчдээс анх удаа төв цэнгэлдэх хүрээлэнд наадмын нээлтэнд ая дуугаа өргөсөн гэдгийг ард түмэн мэднэ. Ийм хэмжээнд хүрнэ ээ гэдэг нь түүнийг дуучин гэдгийг бүх нийтээрээ хүлээн зөвшөөрснийх. Саяхан гэхэд тэр Т.Ариунаагийн тоглолтонд хамтран дуулсан цөөхөн дуучдын нэг байлаа. Энэ үеэр Т.Бархүү тайзнаа Т.Ариунаагийн өмнө сөгдөн сууж, дуугаа үнэн сэтгэлээсээ амилуулан дуулж байлаа.