Кофе шопын эзэд болсон хос дуучид тайзнаа эргэн ирлээ

“Марал буусан шөнө”, “Сэтгэлийн булаг”, “Би чамд хайртай” зэрэг дуунуудыг эгшиглүүлэн үзэгч олноо танил болсон дуучин МУСТА Д.Хишигбаяр, Р.Дэлгэрмаа нарыг хамтран дуулахаас гадна  урлагийн сайхан гэр бүл гэдгийг уншигчид андахгүй. Сүүлийн үед  хос дуучид маань уран бүтээлээсээ хөндийрч хувийнхаа бизнесд анхаарах болсон гэдэг. Тухайлбал Улаанбаатар сувиллын хажууд орших Aroma De Love кофе шоп нээн ажиллуулж өдгөө жил гаруйн хугацаа өнгөрч байна. Зуны дэлгэр цагт нөхөр Д.Хишигбаяр нь морь мал хөөцөлдөж, муугүй уяач болсон хэмээгддэг. Тэгвэл саяхан тэд ойрд гараагүй тайзнаа эргэн гарлаа. Тэднийг харсан үзэгчдийн сэтгэл ихэд хөдөлж, нижигнэсэн алга ташилтаар урам өгч байсан юм.