Т.БАРХҮҮГИЙН ОХИН “ХӨӨРХӨН ЭЭЖ”-ИЙГЭЭ АЗТАН БОЛГОВ

Өчигдөр маш олон хүний хичээлт зүтгэл хүч хөдөлмөрөөр бүтсэн “Хөөрхөн ээжтэй охин” киноны нээлтийн арга хэмжээ боллоо. Энэхүү арга хэмжээний үеэр Х-Түц  продакшнаас урилга өгсөн үзэгчдийг сугалаанд оролцуулж тус киноны гол дүрд тоглосон Т.Бархүү, И.Одончимэг нарын охин Суунийгаар сугалуулсан юм. Гэтэл ёстой л ховорхон гэмээр тохиолдол гарч кинонд нь хөөрхөн ээжийнх нь дүрд тоглосон жүжигчин Б.Ариунцэцэгийн суудлын дугаар бүхий сугалааг сугалж азтан болголоо. Энэхүү явдалд тайзнаа байсан жүжигчид хийгээд үзэгчид нэгэн зэрэг гайхширсан юм. Яалт үгүй үзэгчдийн өмнө сугалсан сугалаа тул  итгэхээс өөр арга байсангүй. Энэхүү үйл явдал баярлаж цочирдсон Т.Ариунцэцэг сандарч үзэгчдэдээ урилганыхаа дугаар ноймерийг харуулав. Харин үзэгчдийн зүгээс нэгэнт нүдний өмнө ил болсон явдал тул санаа зовоод хэрэггүй хэмээн тайвшруулж байлаа. Сугалааны азтаныг Хонгконг хот руу аялах ирж очих зардлыг нь Х Түц пропакшнтай хамтран ажилладаг нэгэн байгууллага даах юм.

Дашрамд дуулгахад Сууний охин уг кинонд тоглоходоо хичээлээ олон өдөр тасалсан бөгөөд одооноос эхлэн нөхөж давтахаа үзэгчдийн өмнө ангийн багшдаа амлаж байна лээ.