“Шантаачжин” дүртэй Дооёо

Хошин урлагийн салбарыг орхиж “DOZ энтэртаймэнт”-ийг байгуулан Монголын кино урлагийн хөгжлийн салбарт нэгэн өнгө нэмсэн уран бүтээлч жүжигчин Дооёо буюу Ш.Доржсүрэн.  “Амьдрах Тасалбар”, "Хөх толбот хүмүүс", “Дүүлэн Нис” зэрэг дэлгэцийн бүтээлээ туурвин үзэгчдээс өндөр үнэлгээг авсан түүний уран бүтээлүүд утга санаа гүн  ухаан тал руугаа сайн ухаж байж ойлгох кинонууд байдгийг үзэгчид гадарлах байх. Тэрээр хошин урлагаас салаад удаагүй байхдаа нэгэн ярилцлагадаа Би инээдмийн кино үзээд уур хүрдэг хэмээн ярьж байсан удаатай. Тэгвэл давахгүй гэсэн даваагаараа долоо давна гэдэгчлэн тэр саяхан инээдмийн “Энгийн иргэн” МУСК-ын эсрэг талын гол дүрд тогложээ. Тэгэхдээ тэр Шантааж хийдэг баг бүрэлдхүүнтэй энэ цагийн мэргэшсэн Шантаажчин хүний дүрийг маш сайн амьдруулж чадсан нь үзэгчдээс өндөр үнэлгээ аваад байгаа юм.