Д.Цоодол гуайн зохиолуудынхаа худалдагч болсон ховор агшин

Монгол Улсын Ардын уран зохиолч, Соёлын гавъяат зүтгэлтэн, Төрийн шагналт зохиолч, яруу найрагч Дөнгөтийн Цоодол гуайг танихгүй хүн үгүй биз ээ. Олон сайхан зохиол, найргаараа түмэн олныхоо ухааныг тэлсэн буурал найрагчийн уран бүтээлийн сэдэв Монголчуудын уламжлалт мал аж ахуй болон хөдөө сайхан нутаг. Үүнийгээ ч өөрөө батлан хэлдэг. Даяаршлын энэ цагт Монголоо алдаж буй зарим залууст Д.Цоодол гуайн уран бүтээлүүд ус агаар мэт хэрэгтэй. Саяхан нэрт зохиолч маань төв талбай дээр өөрийнхөө бүтээл туурвилуудаа дэлгэж гарын үсэгээ зуран худалдаалж буй ховорхон агшин манай дуранд өртлөө. Худалдан авагчдын хувьд ч энэ бол үнэхээр азтай тохиол. Нэрт найрагчийн өөрийнх гараас гарын үсэгийг нь зуруулж номыг нь авна гэдэг бас нэг сайхан боломж шүү...