Жүжигчин Р.Анхнямын фэнүүддээ барьсан бэлэг

Монголын дэлгэцийн сайхан бүсгүйчүүдийн төлөөлөл болсон жүжигчин Р.Анхням эх орондоо төдийгүй хилийн чанадад өндөрөөр үнэлэгддэг чадварлаг жүжигчин. Тэрээр өөрөөсөө нэлээд хэдэн насаар ах, биеийн тамирын багш мэргэжилтэй хүнтэй хамтран амьдарч нам гүмхэн аз жаргалтай амьдарч байгаа гэдэг. Саяхан тэр үзэгч фэнүүддээ нэгэн гэнэтийн бэлэг барьж баярлуулсан сайхан явдал тохиожээ. Тухайлбал Хятад, Монголын дипломат харилцаа тогтоосны 70 жилийн ойг тэмдэглэх хүрээнд  Хятадын шилдэг 10 уран сайхны киног үнэ төлбөргүй үзэгчдийн хүртээл болгосон юм. Үүнээс  "Чонон сүлд" кино  "Гэгээнтэн" кино театрт гарч Р. Анхням  өөрийн биеэр очиж, кино хэрхэн бүтээгдсэн тухай сонирхолтой түүхүүдээс ярьж ирсэн хүмүүстэй зураг хөрөгөө авхуулж нэгэн үдшийг өнгөрүүлжээ.