Б.Амархүүгийн аз жаргалтай агшин

Хөөрхөн хүүгийн эцэг эх болцгоосон олны танил хосууд маань ажил амьдралаа хэнээс ч дутахааргүй төвхнүүлж яваа. Дорнод нутгийн мисс эхнэрээрээ хаана ч гангарч явах тэр үе, үехэн Дорнод аймгийг зорьж хадмындаа очих нэрийдлээр сайхан амраад ирдэг гэх. Харин тэд саяхан гэр бүлээрээ Монголынхоо үзэсгэлэнт газраар яваад иржээ. Тэдний аяллын салшгүй сайхан хэсэг морь унаж зугаалах байсан гэнэ. Морь унадаггүй Монгол хүн гэж юу байхав. Түүний мисс гэргий ч тун чадварлаг морь унадаг гэнэ лээ. Б.Амархүүгийн хувьд хар багаасаа ОХУ-д байсан тэр морь малнаас тун хол байсан ч эхнэрээсээ дутуугүй унаж сурсан аж. Тэгэхдээ бүр хүүхдээ урдаа сундалж унаж яваа нь түүнийг тун ч сүрхий морь ундаг болсныг харуулна. Б.Амархүүгийн хүүг нь харсан хүмүүс аавтайгаа  адилхныг гайхах аж.