Даруухан гавьяатын дэгжин гангараа

Ардын хөгжим шигээ эгшиглэнт хоолойтой МУГЖ С.Ганзориг гэхээр түүний сэтгэлд мөнхөрсөн хэд, хэдэн дуу нь таны сэтгэлд бууж байгаа биз. Тухайлбал өглөө бүхэн орон сууцны гадна эгшиглэх ТҮК-ийн машины “Миний Улаабаатар”-аас эхлээд Богд хан уул, Ардын дуу шиг амраг минь гэх мэт...Анх хот хоорондын нийтийн тээвэрт жолоочоор ажиллан, зорчигчиддоо ая дууны эгшгээр бэлэг барьж явдаг байсан гэх юм билээ. Авьяасыг дарж болдоггүй гэдэгчлэн  урлагийн тайзнаа төвөггүйхэн гарч, МУГЖ хэмээх эрхэм алдарын эзэн болсон тэр ихэд даруухан нэгэн гэгддэг. Хэвлэл мэдээллийн хэрэгслээр нэг  их гараад байдаггүй гавьяат маань саяхны нэг өдөр манай папараццид ийн өртлөө. Энэ өдөр тэр ихэд дэгжин хувцаслажээ. Түүний хувьд ямар нэг тэмдэглэлт явдал тохиосон бололтой.