Дуу бүхэн нь дурсамж сэргээх Чука

Харанга хамтлагийн гишүүн, хөгжмийн зохиолч, дуучин МУУГЗ Ц.Чулуунбатыг Чука нэрээр нь хүмүүс андахгүй. Түүний дуу бүхэн нь тэртээд одсон он жилүүдийг эргэн санагдуулж, гэгээлэг дурсамжаар аялуулдаг гэхэд болно. Тиймдээ ч Чука өөрөө миний дуунуудаас  гуниг сонсогдохгүй хэмээн ярих дуртай. 40 гаруй жил Монголын рок попын нэгэн том төлөөлөл байсаар ирсэн тэр саяхны нэг өдөр тайзнаа гаран, үзэгчдийгээ дурсамжаар аялуулах торгон агшин нь манай дуранд ийн буув. Олон ч хүн хүний залуу халуун насны хайлган дурсамжууд Чука гэх энэ эрхэмийн дуунуудаас эргэн тодордог нь гарцаагүй биз ээ.