“Банш” Батаа боссуудтайгаа...

Сүүлийн үед хошин урлаг гэхээсээ илүүтэй кино урлагт зүтгэж буй жүжигчин Д.Батөмөр Мөрөөдлийн театрынхаа зарим нэг тайзны тоглолтод ч оролцохгүй байгаа нь анзаарагдаж буй. Энэ жил гурав дахь охиноо өлгийдөн авч бүл нэмснийг уншигчид мэдэж байгаа биз ээ. Түүний охидууд яг л аавын хувилбарууд. Аавыгаа дууриаж урлагт багаасаа дурлаж, кинонд тоглосон том охин нь хүртэл “Намайг хүмүүс хараад яг банш аа банш” гэдэг хэмээн ярьж, олныг хөгжөөж байсан удаатай. Тэрээр саяхан өөрийн хоёр охиноо баярлуулж яваа нь манай дуранд ийн өртлөө. Дашрамд дуулгахад Батаагийн төрсөн өдөр нь хүүхдийн баярын маргааш нь буюу 6-р сарын 2-нд юм билээ. Энэ тухайгаа ярихдаа “Манай ээж Янжинлхамаасаа намайг зургадугаар сарын 1-нд төрүүлээд өгөөч ээ хэмээн гуйсан ч нэг хоногоор хэтэрсэн” хэмээн хошгинодог гэсэн шүү.