Найруулагч Т.Алтантуяагийн буу халах агшнаас...

А-Артист” продакшны захирал, найруулагч, жүжигчин Т.Алтантуяаг үзэгчид найруулагч гэдгээр нь андахгүй биз. Түүний нэрийн хуудас болохуйц “Ану Хатан”, “Хөх Тавилан” түүхэн уран сайхны кинонууд олны сэтгэлд хүрсэн сайхан бүтээл болсныг энд дурьдах нь зүйтэй болов уу. Ямагт Монголын кино урлаг болоод жүжигчдийн хөгжил дэвшилд санаа тавьж явдаг уран бүтээлч бүсгүй маань саяхан болж өнгөрсөн “Hollywood in Mongolia” олон улсын кино урлагийн нэгдсэн фестиваль зохион байгуулахад их хичээл зүтгэл гаргасан хүмүүсийн нэг. Уг үйл ажиллагааныхаа үеэр хэдэн найзуудын хамт хэсэг хугацаанд ам халсныг манай зурагчин дурандаа ийн буулгажээ. Хийсэн хүн ярих юмтай гэдэгчлэн найруулагч Т.Алтантуяад найзууддаа дуулгах сонин их байсан бололтой.