Маадай мартагдах болоогүй...

АН-аас хоёрхон насаар дүү буюу 1992 онд байгуулагдан, реп техно урсгалаар уран бүтээлээ туурвиж залуусыг байлдан дагуулж явсан Хар сарнай хамтлаг Монголын рок, под урлагийн хөгжилд тод тэмдэглэгдэн үлдэх нь дамжиггүй. 1990-ээд он байтугай түүнээс ч хожуу гарч байсан зарим нэг хамтлаг дуучид дуутайгаа, дуучинтайгаа аль хэдийнээ мартагджээ. Он цаг улиран өнгөрч залуучууд өөр төрөл жанарийн дуу хөгжим сонирходог болсон ч одоог хүртэл Хар сарнайн дууг сонсож доргицгоодог. Тиймдээ ч Маадай, Амараа нарын дуу караокед хамгийн эрэлттэй дуунуудын тоонд орсон хэвээрээ л байна. Ийн Монголчуудынхаа зүрх сэтгэлд уран бүтээлээрээ мөнхөрч чадсан Маадай саяхны нэг өдөр манай папараццид өртсөн нь энэ. Түүний имидж нь хүртэл залуу байгаа биз.