Үзэгчдэд өөрийгөө өөрөөр нэг харуулаач, Г.Золбоот гавьяат аа!

“Үхэж үл болно Чингис хаан”, “Уулын хөх сүүдэр”, “Уулын төмөр”, “Тусгай салаа”, “Ми-15”, “Ээж” зэрэг тайз, дэлгэцийн олон арван дүрийг үзэгчдийн сэтгэлд хоногштол бүтээсэн жүжигчин Гомбын Золбоотыг үзэгчид андахгүй. Түүний нүдэнд дулаахан зөв төрх, байгаа зан байдлаасаа болдог уу найруулагчид түүнийг байнга эерэг дүрд тоглуулдаг. Түүний ганц эсрэг дүр нь “Мойлхон” МУСК-ны нутгийн түмнээ хэлмэгдүүлж буй ногоон малгайтны дүр. Гэмгүй царайны цаана ямар муухай хорон санаа, атгаг сэтгэл нуугдаж байдгийг Г.Золбоот тун чадварлаг харуулсан. Тиймдээ ч тус кино үзэгчдийн сэтгэлд их хүрсэн. Тэгэхлээр Г.Золбоот мөн энэ адил нэгэн шинэлэг дүр төрхөөр үзэгчидтэйгээ эргэн нэг уулзвал ихэд сонирхолтой байх болов уу. Дашрамд дуулгахад цөөхөн хэдэн Монголчуудын хэдхэн жүжигчид нь кино бүхэнд тоглохдоо нөгөөх л нэг хэвшил болсон дүрүүдээ бүтээх нь үзэгчдийг уйдааж, олон ангит кино мэт болж байгааг эн дуулгахад илүүдэхгүй биз ээ.