Монголын №1 Diss-чин түүнээс авах юм бас их бий

Хэн нэгэнд diss ш..х үнэндээ амархан...хэмээн дуундаа хүртэл үглэдэг реппер Big Gee Монголын хамгийн олон хүн муулсан уран бүтээл гаргасан гэвэл хилсдэхгүй. Маргах ч хүн үгүй байх. Тэгэхдээ тэр нэг үеэ бодвол харьцангуй төлөвшөөд жинхэнэ уран бүтээлч болж буй. Түүний хөдөлмөрч зангаас суралцаж, зарим уран бүтээлээс нь авмаар зүйл их харагддаг. Киноны продюссороор хүртэл ажиллаад амжсан юм билээ. Түүний продюсорлосон “Боссын босс” УСК тун удахгүй үзэгчдийн хүртээл болох гэж байгаа аж. Амьдралын гараагаа тэгээс эхэлж өөрийнхөө хичээл зүтгэл, хөлс хөдөлмөрөөр өдий зэрэгт хүрэн гялалзаж яваа түүнээс орчин үеийн залуус үлгэрлэх зүйл их. Тэр хичээж чадсан учраас өнөөдөр магтаал, шүүмжлэл аль алинтай нь учирч амжилтаараа бусдад хүлээн зөвшөөрөгдсөн уран бүтээлч болж хэдийнээ чаджээ. Ийн авах, гээхийг хослуулсан Gee саяхны нэг өдөр манай дуранд өртсөн нь энэ.