МУГЖ У.Далантай Арго багштай ах дүүс мэт...

Монгол улсаас дэлхийд үнэлэгдэж, хамгийн анхны гранпри гэх шагналыг хүртэж, олон сайхан дуугаараа ард түмний сэтгэлд хоногшин ирсэн МУГЖ У.Далантай өдийг хүртэл төр, засагт гомдох сэтгэлтэй явдаг гэдэг. Хамгийн анхны гранприг хүртэж эх орондоо ирэхэд төр засаг үнэлэх нь бүү хэл урамшуулал ч олгоогүй юм билээ. Харин ч эсрэгээр атаархагчид түүний хавчиж, шахсаар ирсэн хэмээн ярих ч хүмүүс бий. Харин түүний анх авчирж байсан гранпри шагналыг МУГЖ Г.Ариунбаатар эх орондоо авчрахад төр өндрөөр үнэлж мөнгөн урамшуулал, гавьяа шагнал гээд өгч болох бүхий л дээл шагналыг барьсан байдаг. Тэгэхлээр эрхэм гавьяат маань сэтгэл эмзэглэхээс ч өөр яах билээ. Мөн та бүхэн анзаарсан бол гавьяат маань нэг хүнтэй их төстэй харагдаж байгаа биз. Та бидний сайн таних Арго багштай ах, дүүс мэт төстэй харагдах. Ер нь энэ дэлхийн хүн төрөлхтөнд ялгагдахын аргагүй усны дусал мэт хүмүүс ч олон байдаг. Магадгүй таны нэгэн хувилар энэ дэлхийн хаа нэгтээ явж л байгаа болов уу...