Эр хүн эр хүндээ хайртай, Браво хоёр оо...

Саяхны нэгэн нээлтийн үйл ажиллагаанд залуу жүжигчид олноор очлоо. Энэхүү үйл ажиллагаанд удахгүй амаржих гэж байгаа эхнэрээ дагуулж очсон жүжигчин У.Цогтбаяр яаруу сандруу гэрээсээ гарсан уу эсвэл тулгар биетэй эхнэр нь түүнд төдийлөн анхаарал хандуулж чадахаа болив уу гэлтэй цамц, пиджакаа хааш яаш өмсжээ. Үүнийг сүрхий ажигласан загварын өндөр мэдрэмжтэй жүжигчин А.Баярбат У.Цогтбаярт ихэд анхаарал хандууллаа. Эхлээд зөвхөн нэг гараараа зөвхөн цамцны зах төдийхнийг нь янзлах гэсэн ч түүнд тэр чигээрээ нэг л биш санагдсан бололтой. Цогтоог хүүхэд адил урдаа зогсоож байгаад зангианаас эхлээд бүгдийг нь засж өгнө лээ.