Цолоо чимсэн Г.Угалзцэцэг гавьяатын найраа нижгэр хийлээ

Хөвсгөл нутгийн уугуул Монголын Бодибилдинг фитнесийн холбооны тамирчин, Дэлхийн дөрвөн удаагийн аварга , Ази тивийн гурван удаагийн аварга МУГТ Г.Угалзцэцэгээр бахархахгүй байхн аргагүй. Хэдий  нас оройтож энэ төрлийн спортод орсон ч хэн бүхний гаргаж чаддаггүй амжилтыг тогтоож, дэлхийд данстай тамирчин болжээ. Гавьяат гэх цол эзнээ чимдэг бол Г.Угалзцэцэг гавьяат цолыгоо чимэх аж. Шинэ жилийн босгон дээр МУГТ гэх цол тэмдэгээр энгэрээ мялаасан мундаг тамирчин бүсгүй маань өнгөрсөн бямба гариг буюу 03-р сарын 23-ны өдөр цолныхоо мялаалгын найраа хийлээ. Энэхүү хүндэтгэлийн арга хэмжээнд Монголын урлаг соёлынхон, урлаг спорт, улс төрийн бүхий л салбарын хүмүүс хүрэлцэн ирэж түүнд баяр хүргэцгээж байв. Гавьяат маань энэ өдөр энгийн атлаа дэгжин харагдах дээлээр гангарчээ.