Гууль болсон хуулиа мөрдөе өө! Жагаа ах аа!

Хориглосон газарт тамхи татвал иргэн 50 мянган төгрөгийн торгууль төлнө. Тамхи татах нөхцөл бололцоог бүрдүүлсэн тухайн байгууллагын удирдах ажилтныг, аж ахуйн нэгжийн эзнийг 1.500.000-аас 3.000.000 төгрөг хүртэл торгоно. Албан байгууллагыг хөдөлмөрийн хөлсний доод хэмжээг 25-50 дахин нэмэгдүүлсэнтэй тэнцэх хэмжээний мөнгөн торгууль ногдуулах юм. Гэвч энэ хууль батлагдсанаас хойш гурав хоногийн дараа мартагдсан гэж хэлж болно. Яалт ч үгүй олон нийтийн газарын дотор татахгүй байгаа нь авууштай. Ер нь тэгээд энэхүү хуулиа эргэн харж шинэчлэх эсвэл тамхи татах зөвшөөрлийн цэгээ хэн бүхэнд нээлттэй, юм шиг юм хийхгүй бол энэ хууль ч гууль болж дууслаа. Түүний нэгэн жишээ нь хэг, ёг Б.Жаргалсайханы энэхүү үйлдэл. Уг нь хууль энэ мэт хүнээс үлгэрлэж иргэд дагамаар шүү дээ. Сайд асан хүн ХАҮТ-ын ээлжит их хурал дээр ийн бараг үүдэнд нь шахуу, хэсэг нөхдүүдийн хамт суунаглуулан зогсож байхад иргэд нь ч зөрчих нь аргагүй юм. Гууль болсон хуулиа эргэн харах цаг нэгэнт болжээ. Гууль болох нь арга ч үгүй биз. Санаачилсан хүн нь өөрөө төрийн ордноо татаж, согтууран эхэлсэн хууль шүү дээ...Хэнийг нь хэлүүлэлтгүй мэдэж байгаа биз.